Thursday, December 27, 2007

هل نمارسها حقا؟

غمض عينك انا هاغير واوعى تبص هاعملك كل اللى انت نفسك فيه قوم اتلحلح .....للمطربة ربى على قناة مزيكا

خش عليه عين ياللالاى ياسيدى يالالى..عماد بعرور قناة ميلودى هيتس

السيمفونية الرابعة البامز ومقطعوعه لباخ لأوركسترا المانيا السيمفونى على قناة دويتش فيله

طيب هتقولولى واحنا مالنا ؟

خبر تانى عن تقرير لمجلة فنية اسكتلندية انا رجال اعمال عرب يمتلكون قنوان لتبادل الصور الاباحية والنغمات الشاذة باستثمارات 420 مليون يورو , نفس السؤال برده واحنا مالنا؟

مبارك يلتقى باراك لبحث مشكلة الحدود بين مصر واسرائيل

خبر رابع باراك يرفض طلب مصر بزياده عدد القوات على الحدود

باراك يطلب من مبارك مراقبة الحدود بدقة بدلا من زيادة عدد القوات كل ده على الجزيرة

هتقولولى واحنا مالنا برده؟

طيب قلبت القناة لاقيت لطيفة على دريم ..بتقول سعادتى لن تكتمل الا بتحرير العراق وفلسطين؟ قولت باخلاوة يارجالة لطيفة سعادتها لسة مش كملت J

قلبت لاقيت رولا بتغنى عن إذنك يامعلم

الخلاصة من هذه الجولة اننا نمارس الدعارة فى السياسة والدعارة فى الفن والدعارة فى الاقتصاد والدعارة فى كل شىء

نمارس الدعارة فى التفكير نمارس الدعارة الثقافية نمارس الدعارة فى كل شىء ونتاج هذا العمل مسخ فى كل شىء مسخ سياسى فى صورة قرارات سياسية مشوهة ومسخ فنى فى صورة لحم رخيص من كل نوع ومسخ اقتصادى فى صورة أرقام وهمية ومعدلات للتضخم ومؤشرات اقتصادية وهمية وأخيرا شباب يفتقد القدوة والامل فى التغيير والعيش فى مستقبل أفضل

طيب الحل ايه وليكم وليا دور فى ده كله ولا لأ؟

انا ليا دور فى كل ده بامارس الدعارة انا كمان ايوة بماراسها انا كمان فى سكوتى على هؤلاء وخنوعى وسكوتى عليهم الى الآن بامارس الدعارة وأظننى ألفت ممارسة الدعارة لأنها تعطينى اللذة دون تحمل المسئولية

طيب سؤال كل واحد مع نفسه كده؟ هل تمارس او تمارسى الدعارة أم لا؟

الحل اولا بالاعتراف بأننا نعيش فى مجتمع دعارة كبييير واننا جميعا نمارسها الاعتراف بالواقع بداية الحل ثم محاولة تغيير انفسنا وتغييره بعد ذلك

6 comments:

Empress appy said...
This comment has been removed by the author.
Empress appy said...

دعارة ايه يا راجل حرام عليكم ايه الكلام الكبير ده
كل سنه وانت طيب الاول
ثانيا بقى يعنى كلمة دعارة دى تقيله شويه وهقولك على حاجه علشان تصلح كل حاجه فى المجتمع نبدأ بأنفسنا الاول هتلاقى المجتمع اتعدل والبلد يعنى احنا اصل المجتمع
والسياسه تتعدل والاقتصاد بس نعدل سلوكنا ونطبقها على الناس
ثالثا ولن اتنازل عن حقر عماد زعرور ده اكتشافى انا ومش هتنازل عنه وانا مصممه انه زعرور

Anonymous said...

كل عام والجميع بخير عام انقضى وعام مقبل
عسى القادم خير من السالف
يااااااااااااااارب

احمد العربي said...

اكيد الدعارة كلمة استعارة عن كل اشكال الفساد اللي بمر بيها المواطن العربي على مختلف اشكالة و الوانة مع الاحترتم الشديد للناس اللي بتخاف من ربنا و بتحترم نفسها و الاخريين. الدعارة السياسية موجودة من زمان و بنعاني منها و من تأثيرها اللحظي على حياتنا و بعد التطور الرهيب في منظومة الاتصالات و الفضائيات الفاضية في معظو الاحيان بدأت الدعارة تهاجمنا في كل ركن و ازاويم من حياتنا, صبر جميا و الله المستعان

قومى الى الابد said...

لو جات على الدعاؤة يبقى كويس بس صدقونى دى مش دعارة دى افظع عارفين الشذوذ افظع بكتيييير زطبعا نقدم لكم الشواذ العرب مع الشاذ الامريكى

Anonymous said...

تنشئة الفرد والإهتمام بفكره وتعليمه بصوره صحيحه + القضاء على العشوائيه بكل صورها هما أقصر طريق للقضاء على كل صور الفساد فى أى مجتمع... الفساد الإعلامى بالذات خاضع لمبدأ العرض والطلب بمعنى إن عماد بعرور أو غيره من المستحيل إنهم يحققوا أى نجاح بدون جمهور من وراهم يدعمهم معنويا وماديا ويصنع منهم نجوم مجتمع ..أى دوله ضاعت فيها حلقة الوصل بين التعليم وسوق العمل مش هتفرز إلا مجموعه من الأفراد معدومى الهدف والهويه ومش هتحركهم إلا حاجتهم لإشباع غرائزهم الأساسيه من أكل وشرب وجواز بواسطة أقصر الطرق واللى غالبا بتكون غير شرعيه .. بإختصار حل جذور المشكله هو الحل الوحيد المضمون حتى لو طال وقت تنفيذه وكفانا حلول سطحيه معدومة التخطيط ...