السلام عليكم
بصوا هاتكلم بالبلدى
الإخوان مش الإخوان.... كفاية مش كفاية ......وطنى مش وطنى...... الغد مش غدى
فعلا أنا حاسس بكل كلمة قولتها أنى الإخوان فعلا مابقوش إخوان وشركاء فى الوطن وكل واحد فيه بيسعى لمصلحته
كفاية مش كفاية اللى بتعملوه أحنا عملنا كتييير وحركنا الناس وأسقطنا هيبة الرئاسة وعلينا صوتنا بس دى البداية ولازم حاجات أكتر
فعلا فعلا حاسس انى الوطن ده مش وطنى حاسس أنى غريب, مكبوت مقهور واخد على دماغى على طول فى كل حاجة
بجد مش شايف انى الغد وبكرة هيبقى ليا بكرة لو فضلنا على اللى أحنا عليه هيبقى للهليبة والحرامية وفيه مثل ماشى(أبقى هلاس مش تنداس) ده الجديد
علشان كده باقولكم لازم نتحرك مش حلو الكلام وكل واحد يلوم التانى ويفكر ويقول المهم أنه بفعل, ينزل ويتحرك
أنا بامشى وراء مبدأ.... فكر حلل أقتنع أجهر أفعل
لازم نتحرك أنا ماعنديش مانع اللى عاوز يبقى مع الإخوان يبقى معاهم بس لازم ينزل ويشاركهم
واالى عاوز يبقى مع التغيير وكفاية ينزل ويبقى معاهم
واللى عاوز يطنطن وأتباهى بمجدك ياوطنطن يبقى وطنى وينزل
بلاش متفرجى الدكة,الدكة أتملت متفرجين قاعدين يمصمصوا فى شفايفهم ويحللوا ووووو
معلش ياعنى أنا جاهل ومش بافهم لو الحكومة زفت مين اللى بيعينها , طيب حكومة عبيد زفت صدقى طين ونظيف قطران مين اللى جابوهم ؟ مين ردوا عليا
علشان كده كل اللى بيتكلموا ومش بيقولوا أنى العيب فى.......خوافين بيقولوا نص الحقيقة غير جديرين بسماعهم على الأقل بالنسبة لى
آخر حاجة كل اللى بيقول وأنا مالى يعنى كلمتى هاتعمل حاجة ولا نزولى المظاهرة هيعمل ولا ‘تراضى هيأثر
هاحكيلكم قصة (في يوم من الايام ياسعد ياكرام ولا يحلى الكلام الابذكر النبى محمد صلى الله وعليه وسلم قائد الجيش قال ونادى أنى الجيش مش لاقى يأكل وجوعان ومش هيقدر يكمال الحرب علشان كده ,أحنا هنضع إناء كبييييير فى ميدان المدينة كل واحد فيكم ياأهالى البلد يضع ملعقة لبن لتغذية الجيش
فكل واحد فكر أنى معلقته مش هتفرق مع كل الناس يعنى لو وضع بدل اللبن ماء مش هيبان
المهم الناس كل واحد وضع ملعقة فى تانى يوم الصبه قاموا لاقوا الإناء مليان ماء بدل اللبن....فهمتوا قصدى
هيا دى اللعبة الكبار بيلعبوها مع الصغار امريكا مع دول العالم الفقيرة والدول العربية بالذات
الرئيس مع الشعب.. المدير مع المرؤسيين
كل مع اللى تحته
على صوتك دائما وأبدا أصدح بالحق
No comments:
Post a Comment