السلام عليكم
كفاية لوم لأنفسنا
كفاية لوم للآخرين
كفاية إجترار للآلام والمواجع
كفاية فساد وإنتهازية ونفعية
كفاية كل ماهو سىء فى حياتنا
بس أزاى كلمة كفاية نحولها من مجرد كلمة إلى فعل..ده السؤال؟
الحل فى الحركة..الحركة هى الحل
بمعنى تانى كل واحد ينظر لإمكانياته وظروفه ويحاول يتحرك فى إطارها بس الهدف هيكون صلاح حاله ومجتمعه
الجديد هنا هو الهدف..سابقا هدف كل فرد منا كان ذاته فقط لاغير وبالتالى تولدت كل مظاهر السوء المحيطة بنا
طبعا ناس هتقولى أنت متفائل زيادة وحالم اكتر وخيالى
باقولكم لأ ده واقع ياجماعة
البداية كده طموح فهدف واضح ومحدد ثم إرادة فعزيمة وإصرار على الوصول
اللى مش عارف يحدد طريقه يستعين بالآخرين وتجاربهم لخلق طريقه
طبعا لو كانت العملية منظمة أكثر ستكون النتيجة أسرع ولكن تلك هى الظروف , صدقونى تحركوا سيؤدى ذلك إلى طرد هؤلاء الفاسدين
لو شاهدونا فاعلين وليس مفعول بهم ..سيؤدى ذلك لنجاحنا ونجاح بلادنا
تركنا لهم الملعب يلعبوا هم وفقط..وجعلناهم يمتلكوا كل خيوط اللعبة
من الآن لا..سننزل للملعب وسنشاركهم اللعب بطريقتنا نحن التى هدفها
صلاح أحوالنا وأحوال مصرنا العزيزة
مصر أفضل بنا كلنا..محمد ومينا وطه وعيسى ونرمين ومريم ومها ومنال وفادى وعلاء ومروة وباكينام ووووووووووووووووو
تحركوا فى الحركة بركة
No comments:
Post a Comment