Wednesday, December 19, 2007

مصر لكل المصريين

السلام عليكم
 
دولت الخبرين اللى شوفتهم فى اول يوم العيد كده على طول
واحد بيقول وزارة الداخلية تحبط فتنة طائفية فى اسنا
والثانى الكنيسة ترفض المجلس العرف للصلح
وزارة الداخلية تحبط ووزارو الداخلية تقبض على....ووزارة الداخلية مش عارف تعمل ايه ....... ياجماعة  حل هذه المشكلات ليس بالامن  ولكن بالثقافة والتوعية واجتثاث كل ماهو غريب على علاقة عنصرى الامة بعضهم البعض
مطالب الكنسية الأربعة أنا معاها وموافق عليها تماما ليس بصفة انى الكنيسة طلبتهم ولكن ده حق الناس اللى اتحرق ليهم محلات انهم يتعوضوا وترجع حقوقهم ويتقبض على الجناة ده هأيده مع مسلم او مسيحى او اى حد انتهكت امواله,  والمطلب الأخير بفتح باب كنيسة مغلقة من ايام الرئيس السادات موافق عليه على الرغم انى ده مش وقته علشان معظم جيلنا مش عارف ايه ملابسات اغلاق الكنيسة بس برده انا موافق عليه علشان ده دور عباده
عاشت مصر لكل المصريين
مصر لكل المصريين
قول ياعم الشيخ امين مصر لكل المصريين
مصر المنهوبة والغرقانة والمحروقة لكل المصريين
مصر بنيا ولينا كل المصريين
مصر أحنا كل المصريين
مصر للمصريين مش لمسلم ولا مسيحى مصر لكل المصرييين
 

3 comments:

dreamer said...

في ضوء هذا البوست أجد من الصعوبة تهنئتك بالعيد و لكن لابد من ذلك
عيدك مبارك و أعاده الله علينا بالخير و اليمن و البركة يا عبقرينو

appy said...

معلش ده اول تعليق ليه عندك بس انا ضد فتح الكنيسه السادات كان دماغ واحنا كلنا عارفين بس اللى مش عرفينه اشمعنى التوقيت ده للاحدث دى وكمان

الطلب ده بالذات مش برضه حاجه تحير

Hannoda said...

بيتهيألي ان فعلا مشاكل الفتنة الطائفية زادت و انتشرت و اتوجت لما اتدخل فيها الامن و الصحافة و العلام
الصحافة و الاعلام أنا مش ضدهم.. بالعكس .. انا حاسة بفخر شديد للتطور اللي بيحصل فيهم

لكن عند الفتنة الطائفية بالذات لازم نتوقف
لإنها مشكلة مشاعر .. مشكلة ثقافات
لازم نحلها بهدوء و بعلم و دراسات
بيوتنا و أسرنا هم اللي لازم يحلوها في أجيال قادرة تتقبل الاختلاف

وماحدش حايتقبل الاختلاف في ظل الزعيق و الخناقات اللي بتحصل ده

مصر للمصريين مش لمسلم ولا مسيحى مصر لكل المصرييين

يا رب نشوفها في "حال أحسن" وبعدها يتحسن و يتحسن
فنشوفها في "أحسن حال"

تحياتي