تسجيل لشهادة واحد ممن عاصروا ثورة 25 يناير
فى البداية لى اهتمام بالعمل العام من 2004 وشاركت فى معظم الفاعليات التى كانت تنظمها كفاية وحركات الاعتراض الاخرى حتى الثورة
سمعت عن بدايه الدعوة للتظاهرة 25 يناير وقلت حينها انها لن تكون اكثر ممكن كنا نفعله سابقا فى 2006 فى احداث القضاة او 2007 فى التعديلات الدستورية ولكن مع اقتراب يوم 25 بدأت اشعر بأنه ستكون حاجة مختلفة ولكن لم اكن اتوقع ماحدث لاحقا
فى 22 يناير شاهدت فيديو عمرو عفيفى وقرات فى تعليق عند نوارة ان هناك بعض الشباب سيرتدون زى الظباط لتوجيه عساكر الامن المركزى وتوترت عندما عرفت ذلك لأنه فى حالة فشله تعنى ان هذا الشخص سيحاكم جنائيا.
قلت لنفسى اريد ان اعرف مدى جاهزية الشرطة لمواجهة يوم 25 فقمت بتسريب تلك المعلومة الى احد اصدقائى وهو على علاقة باللواء فى الامن العام وظابط فى امن الدولة .. فدار ذلك الحوار
هادى: محمد مش تزعل منى بس انا مش موافق على اللى انتوا بتعملوه وانا وانت اكلنا عيش وملح مش هاضرك بس هابلغ الناس فى مصر عن اللى انت قولته من غير مااقول اسمك وانت هاتسمع المكالمة
انا: فرحت جدا بداخلى وعملت نفسى فى البداية مقموص وزعلان وبعد كده قولتله دى حريتك وانت تعتقد انى احنا اللى بنعمله غلط ولازم توقفه وده حقك
هادى: الو سيادة اللواء اخبار سيادتك ايه؟؟ انا باثبت ولائى وحابب اقولك انى سمعت فيديوهات وحاجات على النت بتقول انى فيه يوم 25 مظاهرات كبيرة ودعوة لاسقاط النظام
اللواء: مين اللى عاملها؟؟
هادى: عمرو عفيفى
اللواء: ده راجل عرص سيبيك منه
هادى: هوا مين ده؟؟
اللواء: راجل خول مشى من الشرطة وسافر امريكا
هادى: يعنى نطمن ياسيادة اللواء ؟
اللواء: شوية ناس هاتطلع وهانلمهم زى كل مرة اطمن ولايهمك
انتهت المكالمة
انا: استفزيت هادى وقولتله ده راجل حمار يوم 25 هاتشوفوا والبلد هاتبقى احسن وحسنى ده هانفشخه J
هادى : انسى يابنى دولت مسيطرين وعلشان اثبت ليك هاكلم واحد فى امن الدولة
انا: ماشى
هادى: ازيك ياباشا
الضابط: تمام الحمد لله
هادى : فينيك
الضابط: فى المستشفى الشرطة بابا تعبان شوية
هادى: الف سلامة بس ليا حاجة على السريع
الضابط: قوول
هادى: فيه فيديوهات وكلام انى فيه ناس هاتلبس ظباط شرطة يوم 25 وهايدوا اوامر للعساكر يضربوا فى الظباط
الضابط: المنايك الخوالات مين دولت
هادى: واحد اسمه عمر عفيفى
الضابط: ياهادى دولت خوالات سيبيك منهم احنا مسيطرين وهاتنزل مصر هاتلاقيها زى ماهيا
انتهت المكالمة
انا بعد مكالمة اللواء كنت متفائل وبعد مكالمة الضابط اتوترت وحسيت انى غلطت انى سربت معلومة فيديو عمرو عفيفى وانى ممكن يكون فيه ضرر على الشباب
كلمت وائل خليل على الشات قولتله
انا : فيه ناس كاتبة عند نوارة انهم هايلبسوا ضباط امن مركزى وده غلط والشرطة اكيد هتاخد خبر
وائل: ده هبل ماتصدقش وكمان دى جناية
انا: طيب هانعمل ايه
وائل: ادخل ونبه الناس وعلق عند نوارة
انا : حاضر
انتهى الشات
فى اليوم ده كنت باحاول العب سياسة صح واظن انى لعبتها وجابت نتيجة بفضل الله
تسريب موضوع عمرو عفيفى للواء الامن العام من حد خارج مؤسسة الشرطة وخارج البلد ده يؤكد للشرطة انى فيه تعاطف كبير وتشجيع
وكمان فرصة اعرف رد فعل الشرطة على اعلى مستوى والذى لم يخرج عما توقعته وهو التقليل من اهمية الحدث
كلمت وائل لتدارك ماظننت انه خطأ ولكن بعد محادثتى له اطمئننت ان الشباب ليس عندهم تلك الفكرة وبالتالى فى اسوأ الاحول اذا فشل يوم 25 لن يخرج عن القبض عليهم كما هو الحال سابقا
من 22 يناير وحتى 25 يناير احاديث عائلية على ضرورة النزول واقناع امى بالهدوء مع اختى وتركها لاتخاذ القرار اما بالنزول او الجلوس وعدم الخوف عليها. والحديث مع اختى واخى بضرورة الحذر وبخاصة اننى خارج مصر وانهم لاول مرة سيشاركون فى مظاهرة ولكن ما رأيته من حماس فى كلامهم جعلنى ادعوا لهم وعدم التأثير عليهم. كان شرطى عليهم ان يندمجوا مع اصدقاء قدامى لى لهم اهتمام سياسى ولكن لاول مرة سيشاركون فى تظاهرة ضد النظام كما كنا نفعل نحن سابقا وتم الترتيب لذلك وكان يوم 25 صباحا
1 comment:
allahom no comment ella enk fatak embari7 :P:P
Post a Comment