Saturday, June 9, 2007

المصريين 2....مشكلاتهم والحلول؟

السلام عليكم
كنت قد تكلمت ف البوست السابق عن مشكلة جزء عزيز من الشعب المصرى  , فى هذا البوست سأضع بعض الحقائق التى سنتخدمها لكى نعرج على الحل مباشرة
الحقائق
المشاكل حقيقية ولابد من الإعتراف بها
فقدان الثقة المتبادل بين المصريين وإتساع الفجوة
تنامى التيار المتطرف فى كلا الطرفين
عدد العقلاء من المصريين يقل بمرور الوقت وبالتالى الفرصة مواتية لإشتعال صندوق البارود
يستخدم المصريون بعض المفردات المتطرفة فى أثناء حديثهم( المصريون فى كلامى هم عنصرى الأمة المصرية العظيمة) وهذا واضح وجلى
يسعى بعض المصريين لإستخدام كل ما يمتلكوه من أدوات لكى يستطيعوا التأثير(اللعب بشعارات دينية, تاثير إقتصادى, التباهى بالعدد والإستقواء بالأجنبى وإقحامه على مشاكلنا الداخلية
هناك من ينتهز الفرصة للتدخل  ويسعى لزعزعة الإستقرار وهؤلاء من خارج الوطن
الكنيسة لازالت تمتلك القدرة على التأثير فى المجموع المسيحى ولكن تأثير الكنيسة بدأ فى التلاشى وهذا له مميزاته وعيوبه وبالنسبة للأزهر والمفتى والمؤسسة الدينية الإسلامية نجدها أنها تقوم بدور الناصح فقط وغير ذات تاثير على أرض الواقع فعليا ودليل ذلك كثرة أتباع شيخ فلان الفلانى من خارج الوطن وفلان الفلانى فى موضوع ما ووو هكذ
 
الحلول من وجهة نظرى:
العقلاء من الطرفين يناقشوا هذا الموضوع بصراحة وشفافية , و'علان ماتسفر عنه نتائج المناقشات
مناقشة الموضوع فى البداية تكون مقتصرة على العقلاء ثم إعلان نتائج المناقشة على العامة من المصريين 
نزع الصبغة الأمنية والطائفية من على الموضوع بالكلية ومناقشة الموضوع من ان بعض المصريين لهم مشاكل لابد من النظر فيها وحلها
المناقشة بصدر مفتوح وعقل واعى وأذن منصتة وحب متبادل 
حلول طويلة المدى:
لابد من تغييير النظام التعليمى والثقافى
إقتلاع النظام الفاسد من جذوره
 
فى النهاية عندى بجد أفكار كتيييييييييير وحاجات فى دماغى بس كلها دخلت فى بعض  ودماغى هتضرب بجد, بس يمكن علشان أنا مش ناضج فكريا بافكر بعقل الطفل المراهق, يمكن علشان أنا عاشق لهذا الوطن بكل مافيه , يمكن علشان أنا كئييييب كتيييييييييييييير
أو متفائل أكتر من اللازم..يمكن الأحداث الكتييييييييير فى كل حته فى العالم والمتلاحقة مخليانى فقدت توازنى, يمكن باعانى من صدمة حضارية ...بس المؤكد أنى أنا تعباااااااااان قوى قوى قوى..........تعبااااااااااااان بجد مش تعب مادى محسوس حرارة أو برد أو أنى مش معاايا مثلا فلووس أو مش لاقى شغل أو حاجة من الحاجااات دى ..الحمد لله ربنا أكرمنى بالكثيييير
بس أنا تعباااااااان بحاجة غريبة 
دعواتكم
 
 

1 comment:

sokoothansawat said...

ايه يا عم...روق كده امال...ربنا يفك كربك و يرجعك بالسلامة