السلام عليكم
فى البداية ده مش مجرد كلام مجالس ووحدة وطنية والكلام اللى مش بيحل مشاكل ده, فعلا لما باقوول أخوانى الأقباط أنا حاسس بيها فعلا علشان هما أخواتى وشركائى فى الوطن وكمان شركائى فى الغربة
فى البداية أيوة فيه مشاكل للأقباط..وعلينا الإعتراف بذلك...ولكن جزء كبييير من مشاكلهم هي أيضا مشاكل المصرييين كلهم...يعنى ممكن نخليها ونعرفها على انها مشاكل للمصريين
ثانيا حل هذه المشكلات ليس بالأمن ولا بتدخل رئيس الجمهورية ولا بموائد الوحدة الوطنية المستعارة بين قداسة البابا وشيخ الأزهر
الحل بمنظومة ثقافية وقيمية من البداية من الأطفال... للأسف تربى جيل كامل على رفض الآخر وإبداء غير مايخفى..الحل هو فى المصارحة والإعتراف علانية بوجود مشكلة والبداية فى حلها
ثالثا أدعوا كل المخلصين من المصريين (باحب أقول مصريين أحسن من كلمة المسيحيين والمسلمين علشان مش عندى فرق خالص بينهم) أنهم يجلسوا مع بعضهم البعض ويتناقشوا ويتحاوروا
رابعا هناك حساسية ستكون فى البداية ظاهرة فى المناقشات وستكون لها علاقة بالعدد والحقوق والواجبات وكيف ووو....هذه الحساسية ستزول بالمصارحة وبقدرة المتحاورين على السمو عن التفاهات والصغائر
خامسا لابد من حل هذه المشاكل فى الإطار السياسى للموضوع وليس فى الإطار الدينى , لأن الدين يسبب حساسية لكل المصريين...حل هذه المشكلة حل سياسى وليس دينى ولا سلطوى
سادسا فى النهاية لن يستطيع أحد إلغاء الآخر او الإنفراد برأيه دون رأى الآخر...من الآخر مصر لكل المصريين ...مصر لكل المصريين
مصر لكل المصريين .....مصر بكرة أحسن بينا كلنا مريم وطه وعائشة وجورج ومحمد وباكينام ومها ومينا ونهى وتسنيم ومنى وريمون وووووووووووووووووو
مصر بكرة أحسن بكل المصريين
سأكتب سلسلة فى هذا الإتجاه من غد ان شاء الله ستتناول جذور المشكلة ورؤيتى لحلها وما الصعوبات التى ستواجهنا فى التنفيذ وفى النهاية محاولة رسم صورة لمصرنا الحبيبة فى المستقبل
No comments:
Post a Comment