السلام عليكم
الإضراب نبوت في أيدينا
و التضامن نور حارتنا
و بلدنا المستقلة بكرة نصنعها بأيدينا
و التضامن نور حارتنا
و بلدنا المستقلة بكرة نصنعها بأيدينا
مش هنخاف مش هنطاطى أحنا كرهنا الصوت الواطى
على وعلى وعلى الصوت اللى هيهتف مش هيموت ...يسقط يسقط حسنى مبارك...يسقط يسقط حكم العسكر ...يسقط يسقط كل الظلم فى كل مكان
آه يابعية ...آه يابهية....باعوكى للحرامية
عمر السجن ماآخر فكرة عمر الظلم ماآخر بكرة
مش شعارات التغييير قادم لامحالة غم أنف حبيب العادلى وكل أمن الدولة ..التغيير قادم رغم أنف كل الفاسدين...التغيير قادم رغم أنف كل منتفعى النظام...لتغييير قادم بإذن الله على ايدى كل المصريين
هاهم عمال غزل المحلة يعلنون اضرابهم عن الطعام حتى الموت لتنفيذ مطالبهم العادلة..ولنذكركم بعمال غزل المحلة الذين هبوا فى العام الماضى وقاموا بعمل اعتصام كبير كان من ثماره أنهم حركوا المياة الراكدة فى العمل النقابى العمالى واليوم هاهم يقومون بهبتهم الثانية التى أتمنى ان تؤتى ثمارها بتحريك المياة الراكدة فى الحياة السياسية فى مصر ونستطيع ان نتكتسب حريتنا المسلوبة
قفوا بجانب عمال غزل المحلة قفوا بجانب كل مصرى يسعى لجعل بلده مكان أفضل للعيش وحدوا صفوفكم ضد كل الفاسدين الظالمين
غدا مصر أجمل وأفضل بأيدينا كلنا ..محمد ومينا وعائشة ومريم ويسمين وباكينام ويوسف وجورج ...بنا كل المصرييين
قول ياعم الشيخ أمين مصر لكل المصريين ..مصر لكل المصريين
وعلى صوتك بالغنى ..لسه الأغانى ممكنة....
صوت عمال غزل المحلة وصل لأمريكا اللاتينية فى البرازيل
تحياتى
عبقرينو
No comments:
Post a Comment