Sunday, June 3, 2007

مطلوب خادمة مصرية أبنة رئيس أو وزير مصرى حالى أو سابق؟

تحديث:
لو الوزيرة موافقة تشرفنا الأول هيا وبعدين المصريات بعديها.... تفتح هيا الطريق بس ومالهاش دعوة
------------------------------------------------
ياوزيرة القوى العاملة لا سلام ولا كلام
من الآخر فيه عرض مغرى علشان شايفك بتساندى عمل المصريات كخادمات وما ينتظرهم من خير وفير وضمانات كثيرة ستتكفل بها السفارة
قولت علشان كده الأولى بالموضوع ده بنت وزير أو وزيرة من زملائك, للعمل لدى أربع شباب مغتربين زى الفل بمرتب مغرى جدا جدا جدا يعادل أو يزيد عن مرتب بابا او ماما
ونتعهد بتوفير غرفة نوم لها وكمان أكل وشرب ونوم وكل مايلزمها لحين النزول للأجازة, وكمان ممكن توزينيها قبل السفر وبعد السفر هتلاقيها زادت فى الحجم والعدد
حرااااااااااااااااااااااام عليكم ......................ماذا بعد ذلك ...........................خادمات مصريات.........................بجد بأه ......بلاش أبقى قليل الأدب بلاش
بس مستنى بنتك أو قريبتك أو بنت أى حد من زملائك...أنتوا أولى برده

7 comments:

7ntklm said...

ولأننا جميعا نذكر عواد اللى باع ارضه وتغنى عليه الصبية قائلين شوفوا طوله وعرضه ..يا ولاد .. فان البلد التى تفرط فى ارضها وتبيعها بالمزاد ..اكيد لن تجد ما يمنع فى بيع عرضها خصوصا اذا كانت بلا طول اساساً .. ولا حول ولاقوة الا بالله

ياسر سليم said...

انته ما عرفتش !!؟


اللى أختشوا ماتوا خلاص

سكوت هنصوت said...

اهل الوزيرة دمهم ازرق زي الفراعين..لكن احنا ولاد (....) دمنا زفر..اخرنا نشتغل خدامين..

أظن بقى فتيات الليل المصريات هما اول ناس هيتقدموا للوظايف دي...بدل ما يستنوا العرب من الصيف للصيف...فرصة يروحوا لحد عندهم هناك...و كلة تحت سمع و نظر الحكومة...يعني المرة دي....الحكومة هي الي هتشتغل قوادة للعرب....صحيح..فعلا الي اختشوا ماتو

elgharep said...

أحييك على موضوعك
خصوصا التهكم الواضح فى كلامك لدرجة ماوصلنا اليه من الأهانة
الغريب

عبقرينو said...

السلام عليكم

حنتكلم.....موافق على اللى انت قولته وحسبى الله ونعم الوكيل

ياسر سليم...شكرا على زيارتك الكريمة ...اللى أختشوا لسه مش ماتوا بدليل وجودك ووجودى وجود كل الشرفاء فى هذه البلد العظيمة واللى هيكون خلاصها على أيدينا ان شاء الله

سكوت هنصوت..... العملية أكبر من قوادة وفتيات ليل الخلل فى نظام فاسد جاثم عل صدورنا لابد من التخلص منه من واقتلاعه من جذوره ان شاء الله ....وده بالحركة والأمل والعمل


الغريب...شرفتنا بزيارتك جدا... تخيل بقى مافيش حد قابلنى خالص الا وقالى ياعم حاول تضحك وكمان مش باعرف أقووول نكت خالص خالص مش عارف جبت حكاية التهكم دى منيين..على العموم شكرا على المجاملة اللطيفة دى

وفى النهاية بكرة أجمل بينا كلنا بكرة لينا ومش هنسيبه أحنا المستقبل لمصر ولخير مصر
تحياتى للجميع

البتاع said...

انت بتقارن نفسك وتقارنا بستك ام اعدادية است الوزيرة؟؟؟
لالالالالا
لقد صبئت يافتى
استغفر ربنا كده وتووووب واعقل

احنا ولاد كلب هما لا

عبقرينو said...

السلام عليكم

البتاع....أهلين وسهلين ....بلاش تنرفزينى احنا مش ولاد كلب ...اللى وافق على القرار ده وسكت عليه وبيدافع عنه هما ولاد..تيييييييييييت
كمان والله جدتى مش متعلمة ولكننى اؤكد إذا حكيتلها موضوع الخداماات ده هتقول كلام كبير قوى هاحس ساعتها أنى اللى معاها دكتوراة جنب ستى ولا تساوى اى شىء
الدنيا مش بالشهادات الدنيا بالناس اللى عنده احساس وده وبتفهم
يسقط يسقط كل الظلم ...يسقط يسقط حسنى مبارك.....لا للتمديد ولا للتوريث
باحبك يامصر