Sunday, August 19, 2007

أحبائى...أحبائى.....

السلام عليكم
انقطعت عن الكتابة لفترة كبيرة كنت منشغل بها فى أشياء كثيرة والحمد لله وبفضله ستنتهى كلها ان شاء الله الى الخير
قراء مدونتى الأعزاء الذين لم يسألوا عن سبب غيابى لمدة حوالى الشهر برده اصدقائى الأعزاء:)كنت عاوز أكلمكم فى حاجات كتييييييير ومواقف كتيير قابلتنى فى خلال الشهر اللى فات ده منها أننى زرت  دولا جديدة لم أزرها من قبل تحدثت مع جنسيات واشخاص جدد ولكننى أجد نفسى متحمسا أكثر للحديث عنكم أنتم
أود ان أسمع اخباركم.... ما الجديد عندكم؟ كيف حالكم؟ مأخبار فلانه فى زواجها وهل هناك معوقات وما أخبار فلان ..هل استطاع الحصول على العمل ؟ وكيف حال زيد وأولاده أهم بخير؟ وكيف حال ابنة النيل أهى طيبة؟ وما هو رأيكم فيما يحدث ...ألكم رأى؟ وما هى خططكم المستقبلية؟ ......الخ
أود ان اسمع  أهلى واخواتى واصدقائى وأحبائى ...أود أن اسمع حكاايتهم ومشاكلهم لن أقول أننى عندى الحلول لكم ولكن بكلامكم معى تسعدونى وتشعروننى بأن لى أهمية عندكم
يمكن تقولوا ده كلام واحد عبييييط أو أهطل بس بجد دى حقيقة ....عاوز أسمعكم عاوز أقعد أتفرج عليكم مش ليك لأ ده ليا أنا ....سأجد فى نفسى السعادة وانا بجواركم....بجوار كل من يعرفنى بجوار كل من لا يعرفنى ...بجوارعم أحمد  صاحب السبعين عاما ماسح الأحذية على قهوة البورصة وهو يسعى وراء كل جنيه لكى يستطيع توفير اللقمة لبناته ولكى تستطيع  ابنته ان تنهى ,الجامعةو بجوار هذا الشاب الذى  يقضى يومة يدخن ويصرف أمواله وهناك من يتحسس الخبز الحاف, بجوار تلك البنت التى تدخن الشيشة وتمسك بجهازها المحمول وتتصفح الصور, أجلس مع زميل لى يعانى لوعة الفراق وآخر يشكى مشاكل عمله وهذا يبحث عن عمل ووووو....كل هذا يسعدنى أنا يشعرنى اننى حى 
عاوزكم تقولوا وتعبروا وانا هاسمعكم صدقونى هاسمعكم وممكن تلاقوا حلول بفضل الله...ممكن أكون باكتب ده علشان بعانى انى وحيد أو علشان بعانى غربتى .....ممكن يبقى ده فيه جزء من الحقيقة ..بس الحقيقة كلها أنى فعلا بابقى سعيد لما بابقى وسطيكم ....لا المنصب ولا المال ولا أى حاجة فى الدنيا هاتخلينى سعيد أكتر من أنى ابقى وسطيكم وبينكم ....باحبكم كلكم كلكم  
 
العنوان مقتبس من غنية لجوليا بطرس بعنوان أحبائى تتحدث فيها مع مقاومة حزب الله
 
تحياتى
عبقرينو

4 comments:

ibn nasser - ابن ناصر said...

واحشانا ياعيم وعاوزين مقالاتك الجامدة بقي


تحياتي

سكوت هنصوت said...

طب هقولك على حاجة عشان التقطيم ده

ما تحكيلنا انت عن حياتك..واحنا هنسمع للصبح

أخبارك ايه؟؟

واخبار الي بالي بالك ايه؟؟

عايزة اعرف عنك أخر تطوراتك يا زعيم

و والنبي تحكي للسادة الزوار عن رحلاتك المكوكية من الشارقة للكويت عشان تغسل هدومك

منتظرين بوست قوي

عبقرينو said...

ابن ناصر

شكرا على زيارتك الكريمة ....أنا اللى مستنيكم عاوز أسمع ليكم زى ماكتبت ...بجد محتاج اسمع لحد انا الحمد لله باسمع لنفسى كويس وبالاقى حد بيسمعلى بس نفسى أسمع ليكم أنتم :)

عبقرينو said...

الأخت العزيزة سكوت
بقى كده تفضحى أخوكى عبقر على الفضاء السيبرى وتقوليله هدوم ورحلات مكوكية:) ناقص تقوليلهم عنوانى وارقام تليفوناتى وكده.... أنا قولت من الأول الأمن حاطك وسطينا علشان يجمع معلومات:) من عبقر لجميع المصريين ...لا تتعاملوا مع العميلة المباركية سكوت ...سكوت فيها حبسة واعتقال:) من عبقر لجميع المصريين...هههه ايه رأيك كده, بنقطع فى بعض على النت ياخسارة الأخوة والعيش والملح
مستنيكى انتى تحكى وتتكلمى انا اتكلمت كتير وحكيت كتير عاوزك انتى وكل القراء يتكلموا
أنتى عارفة انى اتكلمت كتييييير وكلامى ده كان ليه فايدة انى الناس توجهنى للصح بفضل الله نفسى أرد الجميل اللى اتعمل معايا لناس برده وانتى عارفة أقصد مين أستاذى واستاذك أخوكى واخويا الله يرحمة رحمة واسعة دكتور عصام