السلام عليكم
شيع اليوم الرئيس التركمانى فى مدينة عشق أباد ...لمن لايعرفون تركمناستان إنها إحدى دول الإتحاد السوفيتى السابق تعوم على بحر من الغاز الطبيعى يقدر بثلثى إحتياطى الغاز فى العالم
ليه كتبت بلوج خاص عنه أكيد مش من حبى فيه؟ أولا انا ماعرفوش غير بعد وفاته
بس الرئيس اللى يسمى نفسه أبو التركمان ويطلع قانون يحكم به البلد مدى الحياة وكمان يعمل كتاب فيه كل حاجة حتى الفتاوى الدينية ويخلى الشعب يقرأه كل يوم الصبح يبقى يستحق تعليق وتعليق وتعليق ..وآخر حاجة بقى أنه بعت نسخه من كتابه ده للقمر على متن مركبة فضاء روسية
ده يدل على مدى حكته وحنكته لدرجة أنه خلص على أهل الارض الحكمة وبعت كمان للكائنات الفضائية أيه العبقرية دى
والشعب كمان التركمانى شعب رائع وجميل زينا بالظبط
أمريكا تحب الرئيس السابق وكمان روسيا وكل الأنظمة العالمية بس حب أمريكا وروسيا غير حب الدول العربية
أمريكا وروسيا بيحبوه علشان الغاز أما الدول العربية لأنه كان ملهما لهم فى كيفية الجلوس على الكرسى لغاية الموت
كمان حاجةأخيرة بعد وفاته بدأت المشاكل لمن يسطر على الحكم بعده ولاقوه أنى أحسن واحد يمسك ....مش هأقول اللى.. هيأقول ليه جائزة
علشان أسهل عليكم هو حد أسمه على أسم أبوه يبقى مين؟؟؟؟؟؟؟؟؟
سلام
سلام
4 comments:
ya gamaloh ya gamaloh
اقول اقول اقول ...
اسمه جمااال.... صح ... أكيد صح
إلا إذا ....
قول انت بقى يا محمد إلا إذا ايه؟
موضوع حلو والبلوج كله ظريف وخفيف وهادف في نفس الوقت
GO ON MAN
Koriem
اللى هيمسك يافالين الأبن الغير الشرعى للرئيس لتركمانى علشان ابنه الشرعى لسه مابلغش 40 سنه هههههههههههههههههههههه
خايفة ييجي يوم علي شعب مصرستان وتلاقي الحاكم من كتر خوفه علي البلد ولتأكيد تأكيده انه لا توريث, يقوم يطلب من الوزير رابسو ويب كام ولاب توب اخر موديل عشان يكمل الحكم من العالم الاخر!!!
استغفر الله العظيم
ربنا يحسن ختامنا، وختامهم. يمكن نعيش يومين كويسين
Post a Comment