السلام عليكم
بجد مش عارف أقول أيه ولا أيه فيروز كانت رائعة جدا , مش أغانى زى كل الأغانى اللى بنسمعها دى أغانى تحس أنها بتعبر عن حالك وكمان بأسلوب راقى
لأول مرة أشوف حفلة معظم الحاضرين فيها شباب والموسيقى مزيج بين الشرقى والغربى والناس بتسمع وتستمتع بدون حركة أو تنطيط
حاجة كده أشبه بزمن الفن الجميل والحاجة اللا فتة للنظر اللى مشوفتهاش بتتكرر من ساعة لما حضرت حفلة الموسيقى العربية زمان أنى بيتوزع ورقة فيها عنوان الأغنية وكلماتها بجد حاجة رائعة
وإالى الأمام يافيروز لتنقى آذان الشباب من الأغانى الهابطة وذات الإيحاءات
بس ليا ملحوظة الخط اللى أنتى واخداه اللى ممكن أسميه وأنا مش متخصص فى الفن ممكن أقول الأغانى الواقعية ياريت لو تطربينا بكلمات لأحمد فؤاد نجم أو فؤاد حداد تعبر عن واقعنا السياسى
ربنا يوفقك
No comments:
Post a Comment