السلام عليكم
أغنية جامدة جدا لعلى الحجار لاقيتها على مجموعة من المجموعات كلمات الأغنية تحت وكمان لينك للأغنية هتشكرونى لما تسمعوها
يا مصري ليه دنياك لخبيط والغلب محيط
والعنكبوت عشش عالحيط وسرح عالغيط
يا مصري قوم هش الوطاويط كفاياك تبليط
صعبه الحياه والحل بسيط حبة تخطيط
فتحت باب استيرادك وصرفت فوق ضعف ايرادك
حلي للخواجا استكرادك سابك بتقرا في أورادك
ودا قشطك ونزل تشفيط
يا مصري ليه دنياك لخبيط والغلب محيط
والعنكبوت عشش عالحيط وسرح عالغيط
ومهولاتي تحب تزيط
ساعة الفرح زغايط تنطيط
وفي المياتم هات يا صويط
وفي المظاهرة تسخن تشيط
وفي الانتخاب تنسي التصويت
يا مصري ليه دنياك لخبيط والغلب محيط
والعنكبوت عشش عالحيط وسرح عالغيط
وليه بترشي وتتساهل
وتبيع حقوقك بالساهل
تستاهل النار تستاهل
يا غويط ويحسبك الجاهل
ساهل وساهي وغبي وعبيط
يا مصري ليه دنياك لخبيط والغلب محيط
والعنكبوت عشش عالحيط وسرح عالغيط
يا مصري ياللي الغلا عصرك
والنهد في عصرك حصدك
قوم للحياه واسبق عصرك
ولاحاجة حترجع مصرك
إلا إن تكون شغال ونشيط
يا مصري ليه دنياك لخبيط والغلب محيط
والعنكبوت عشش عالحيط وسرح عالغيط
يا مصري قوم هش الوطاويط كفاياك تبليط
صعبه الحياه والحل بسيط حبة تخطيط
2 comments:
الاغنية هايلة انا سمعتها مرة واحدة بس من اكتر من 8 سنين.
أشكرك ع الغنوه والكلمات
كنت حاضره حفلة لعلى الحجار.. والغنوه دى من ضمن الأغانى الهايله اللى جايه ع الجرح
Post a Comment