Friday, February 23, 2007

السفر

السلام عليكم
الوطن الأسرة الحبيبة الأصدقاء الزملاء, المكان الشارع , الجو المشاعر الدفء
كل ده الإنسان بيفتقده بمجرد السفر من مكانه أو وطنه إلى مكان آخر وليس وطن آخر
الوطن هو الوطن شىء واحد مابيتكررش أنا مش مع الوطن التانى زى بالظبط مافيش غير ماما واحدة مش كل واحد يبعتر كلمة ماما لأى حد
ده كله حاسس بيه لما قررت السفر لخارج مصر التى طالما عشقتها وكمان مش عارف هاعمل أيه هل نظرتى لمصر ستتغير وأنا فى الخارج وكمان هل بسفرى يبقى أنا سبت القضية ؟
وكمان فين تجمع الأهل فى المناسبات وكل الأقارب والأعمام والأخوال ؟
فين لقاء الأسبوع مع الأصدقاء؟
فين الجامعة؟
فين المظاهرات وهموم الوطن؟
فين المناقشات السياسية الساخنة؟
فين من ينتظرون مساعدتى؟
حاجات كتير هافتقدها , والله أعلم هارجع زى ماكنت ولا هارجع مختلف ولا يمكن مارجعش تانى الله أعلم
المهم أنى أخدت القرار ربنا يعيننى وييسر لى الخير ويجعله خير لى ولأهلى ولوطنى إن شاء الله
المشكلة السفر ده طويل طويل طويل
باحبكم باحبكم باحبكم ومش هانساكم وكمان هافضل فاكركم وهاتواصل معكم دائما
سلام

8 comments:

Anonymous said...

الله اعلم فعلا يا محمد. تعرف انك من اكتر الناس اللي شوفتها فعلا مؤمنه بحاجة و بتسعي انها تحققها، لأ والغريبة ان الحاجة دي هي حبك لبلدك. تفتكر انك ممكن تتغير من الغربة و البعد عن البلد و مشاكلها؟ مأظنش لاسباب كتير اولها انك من جواك انسان فعلا و واحد عارف مبادئه و فعلا مؤمن بيها. صدقني هيكسبوا كتير لما تسافر و احنا هنفتقدك كتير. ربنا يوفقك و يكتبلك الخير دايما.

Anonymous said...

السلام عليكم
شكرا جدا ياأيمى على التعليق
بس التجارب السابقة بتقول أنى فى معظم الحالات الإنسان بيتغير لما بيسافر وبيكون أنانى جدا جدا
علشان كده ربنا يستر والواحد مايتغيرش ويكون ذا نفع لأهله وبلده

Anonymous said...

تفقد مصر يوميا خيرة شبابهاوأكثر محبيها للأسف... فهي المعشوقة التي طردت من رحمتها محبيها ... من المؤسف ان يرى الانسان اشد الناس حبا في مصر يتركها.. ولكن في النهاية لا يصح الا الصحيح. ومن حق كل انسان ان يبحث عن مصلحته في النهاية. ان كنت تسأل عن التغيير فمن المؤكد ان هناك تغيير.. ليس بالضرورة للأسوأ..لعلك تستعيد شحنك وتعود لبلدك وأصدقاءك أشد إيمانا من ذي قبل. وفقك الله ورزقك الخير والإخلاص في أي مكان.

Anonymous said...

Fakadat al 2omma 7'eret shabab markaz shabab rod el farag ...ya mohamed ...

Omni said...

Hello from the USA!! :-)

Anonymous said...

استاذ عبقرينو معلش ردى قد لا يعجب البعض ولكن ماتعلمته فى حياتى ان لا اتوقع رد فعل الاخريين والا لن يصدر منى اى فعل .......المهم شوف يااستاذ هل تعلم ان هناك اشياء لا يمكن المتاجرة بيها مثل الوطن ومشاعر الحب للوطن اعلم ان هذا البلوج لا يهدف للدعاية لمنتج ما او او او ..ولكن الا تعلم ان طلب الكلمة الطيبة او طلب راى زملائك او الرأى او المشورة يكلف الكثير من الاموال وقد تدفع بعض الشركات لفرد معين لكى يقول رايه او ما يخدم مصلحة الشركة ويسوق هذا الراى المهم ما اهدف اليه عليك الا تتاجر بمشاعرك والا سوف تفقد فى يوم من الايام مصداقيتك امام نفسك ........نقطه اخرى انك لم تكرر السفر من اجل الوطن ولكن من اجل نفسك دعك اذن من حب الوطن هل سافرت من اجل الوطن هل نيتك كما حدث مع الرسول الكريم اعلم انك احب بقاع الله لله ولى ولولا ان اهلك اخرجونى منك ما خرجت هل هاجرت من اجل الله ام من اجل مستقبلك فقط ..... ولا تقنعنى ان مستقبلك من مستقبل الوطن لانك لم تدفع فى الوطن قطرة دم .مدفعتش ثمن نظرة ترويع واحدة من سقوط صاروخ على البيت ويسقط على بيت اخر ويظل الترويع لان البيت الجنبى بيت اخى واختى المهم ياستاذ عبقرينو لم اقل مثل اصدقائك الوطن سيخسر لالالا الوطن لم يفقد اى شئ الوطن.......هل تعلم ان فلسفة حب الرسول لوطنه كانت نابعه من الحب فى الله حب لايشوبه اى ماديات وليس حب نابع من مصلحة فى تلك الوطن سافر ياعم بس مش تجبرنا انك تصعب علينا ربنا يوفقك اخترت مصلحتك واحنا مش ضدها لكن مش تحسسنا انه اجبار من البلد محدش قلك سافر........

عبقرينو said...

السلام عليكم
صديقى العزيز أنا لاأتاجر بمشاعرى ولا بحبى لوطنى
فعلا أنا باحب وطنى وكمان فيه حاجة مهمة جدا جدا نجاحى من نجاح الوطن ومصلحتى من مصلحة الوطن ولو ترى عكس ذلك فسامحنى
الفرد هو نواة المجتمع وبصلاح الفرد يصلح المجتمع لذلك بتفوقى وتقدمى سيتقدم الوطن
واحب أن أخبرك بمعلومة هامة جدا بفضل الله سأكون من ضمن هؤلاء الذين يبنون الوطن ويجعلونه فى حال افضل إن شاء الله
حاجة مهمة جدا تعرفنى منين علشان تقولى أنت عملت أيه للبلد ومانزفتش قطرة دم وووو والكلام ده
طبعا مش هاعلق عليك لأن أبلغ رد هو عدم الرد

Anonymous said...

بدات بصديقى العزيز وانتهيت بسؤال تعرفنى منين ......شخصية متارجحه تحاول ان تجد من الكلام سبيل الى القلوب وللاسف لم تصل الكلمات الى القلوب لسبب واحد انه ليس نابع من القلب ......كنت احب لو انك رددت على كلمات الاطراء من اصدقائك قبل ان تتجه نحوى بكلمات تدل على انك تتكلم فقط مثل ابلغ الرد عدم الرد ... مع انك فى بعض مقالاتك تدعو الى الحور بل الى الجدل على الاقل الجدل السياسى ...مش مهم شخصيتك باينه المهم انى فعلا متاكد بل اكاد اقسم انك لم تزرف دمعه لا اقول قطرة دم على تلك البلد ....... لا تعرف ان كانت مشاعرك ستتغير ام لا تجاه البلد فماذا ننتظر منك ان تبنى البلد لم اجد الامل فى ذلك من كلامك .... يابنى سافر وسيب مصر فى حالها مش منتظراك .......مصر المعشوقه من الجميع واهالها لم يرحموها ... فعلا ابلغ الرد عدم الرد