Tuesday, March 6, 2007

رسالة شكر للحاكم العسكرى لموريتانيا

السلام عليكم
رسالة منى الى الحاكم العسكرى ورئيس المجلس العسكرى الحاكم لمور يتانيا منذ عامين بعد الإطاحة بولد الطايع فى 2005
شكرا لتنفبذك وعدك وإجراء الإنتخابات المريتانية بعد 4 أيام فقط من اليوم بين 19 مرشح لست أنت منهم ولا أحد من أعضاء المجلس العسكرى
بجد حاجة تفرح وتحزن فى نفس الوقت
حاجة تفرح أنى فيه رئيس عربى أوفى بوعده وأعطى قدوة ولم يغره المنصب وأنه الأوحد والوطنى المبشر بالديموقراطية وأنه يخاف على شعبه من بعده وسيظل إلى آخر نبض ونقطة دم والكلام الكبير قوى قوى قوى
حاجة تحزن بجد أنى أمثال هذا الرجل وزملاؤه فى موريتانيا لن يتكرروا صدقونى مش هيتكرروا
ماعلينا شكرا سيادة الرئيس وشكرا لزملائك وحفظ الله مصر ومريتانيا وسائر الدول العربية من كل سوء
لست أقصد الرؤساء والملوك والسلاطين العرب بل أقصد الشعوب والذى أتمنى أن يكون الملوك والرؤساء والسلاطين فى يوم من الأيام من ضمن الشعوب التى يحكمونها وليسوا هم الملهمين المبشرين بالخير دائما وباقى الشعب هم الرعايا والخراف
عاشت مصر حرة مستقرة

3 comments:

Anonymous said...

انصحك ان تغلق هذه المدونه .... حتى الكلام الساخر لا تنفع فيه وستعيش مصر مستقرة وحرة رغم انف الجميع ...عارف المشكلة فى ايه ان الحرامية والناصبيين والمعارضيين وامثلك فى مصر

Anonymous said...

يظهر ان مباحث امن الدولةعلى الخط يعيش باب حسني وماما سوزي و اخونا الكبير جيمي و تسقط موريتانيا وزعيمها الي هيودونا فداهية دول.... الغريبه ان الواحد كان فاكر بتوغ المباحث معاهم ابتدائية طلعو يا عيني معاهم شهادة الكفاءة.

Ahmed said...

السلام عليكم
و هو انت بالصلى على النبى كده عايش معانا هنا فى مصر . ولا عايش فى الوهم
ولا شغال مع حفنة ال ....
خليها على الله و خليك فى حالك و خلينا فى حرقة دمنا و و حالنا.
و بقوللك يا عبقرينو رباعيه من رباعيات صلاح جا هين
خوض معركتها زي جدك ما خــــاض صالب و قالب شفتك بامتـــــــــــعاض هي كده...ما تنولش منها الأمـــــــل غير بعض صد ورد ووجاع مخاض