Saturday, March 17, 2007

أنا مصرى...أنا مش إخوان

السلام عليكم
على موقع الإخوان الرسمى وعلى جريدة المصرى اليوم عدد السبت 3-17 أنى أحد شباب الإخوان كان بيوزع ورد على الظباط
أنا صاحب فكرة الورد وانا اللى كنت باوزع بس الحاجة المهمة جدا انى مش من الإخوان خالص انا مصرى وبس غير منتمى لأى حزب سياسى لأنى من الآخر مافيش حزب عدل فى مصر
كمان انا باحترم الإخوان بس معترض معاهم فكريا ومعترض معاهم فى كيفية التنفيذ على الأرض
علشان كده باقول أنا مواطن مصرى يطمح للحرية ويتمنى ان يرى مصر مستقرة ولا للتمديد ولا للتوريث
وكمان يعنى من ليبرالى لإخوان أزاى يعنى , ولا اللى أتكتب ده علشان الإخوان يأكدوا أنهم كانوا مشتركين وبس؟

5 comments:

Anonymous said...

قبل ان تقول مافيش فيه حزب عدل
هل تعلم عدد الاحزاب؟
هل قرات جميع برامج الاحزاب؟
بلاش ظلم وافتراء

Anonymous said...

أظن حال الأحزاب الحالية اكبر دليل على ان مفيش حزب عدل... لو حد شايف حزب علية الطلة يدينا خبر لحسن يظهر انه حزب اخرس

Anonymous said...

احيك اخي انك شفت كل الاحزاب
و انك رحت للمقر و شفت حالهم
و قرات جميع صحفهم
و عرفت ناس منهم
و اذا كان فيه اخطا فهم بشر
و انت اكيد ملاك
و علشان كده انضممت لحركة الملائكمة الملقبة ب كفاية

اذا كان هناك خطأ فهو عيب في جبيني و جبينك و علينا ان نتحد جميعا لاصلاحه قبل هذا الهراء
و ثم حزب اخرس ايه! ده منوع حد يعمل دعاية
و الحمد لله ان الاحزاب الوحشة لم تذهب للخارج و تتظاهر مثل بعض الناس

احد رؤساء الاحزاب في تركيا رفض التحدث في سياسة بلده امام السفير الامريكي مش يتظاهر في بلد تاني
احمد الجلبي لسه عايش و فيه زيه في مصر كتيييير بس اللي للي يدفع اكتر

عبقرينو said...

أنونومس الاول أعرف عدد الأحزاب بس العدد اللى معايا اكيد اتغير فى ظل أحزاب بتنقسم على نفسها وأحزاب بتتمنع انها تتعمل وأحزاب على الورق وحاجات كتيييييييييييييير فى بعض
----------------------------------
أنونومس التانى
أكيد بتشاركنى الرأى علشان مقتنع بيه؟
-----------------------------------
أنونمس الثالث
شكرا على رسالتك, ثانيا كفاية ليست حركة كل مافيها ملائكة ولكنها حركة حية بدليل ماتفعله ومافعلته فى السنتين الماضيتين
ثالثا ماذا تعنى بوجود اكثر من أحمد الجلبى فى مصر
لا يوجد أحمد جلبى فى مصر ختى الآن سواء من المعارضة أو الموالاة الحزب الوطنى يعنى ولكن بأفعال الحزب الوطنى والحكومة وسلوكياتهم وآخرها ماتم فى الدستور سيتم إيجاد أكثر من ذريعة وتهيئة أجواء لظهور آلاف من أحمد الجلبى

عبقرينو said...

ملحوظة
ياريت مافيش حد يكتب أنونومس
أختاروا أسامى كده أى أسم علشان نعرف نتواصل